Mailing list
Lasciaci il tuo indirizzo, così possiamo informarti delle ultime novità:



Joomla Extensions powered by Joobi

PRIMAVERA

Primavéira  Poesia in dialetto Sassolese

Vén, ch'andamm a vèder se in campagna
l'è spuntèe sui rivass
(1)  él prémi vìol,
se l'aqua dal surzej l'han foma piò,
se fora da la tana a gh'è al rugol.
(2)

Sèta al ledàm a crèsc él radicèli,
ann-ghè piò giaz intaurna a la funtana,
l'aria l'è tèvda
(3), al saul al s'è argiulii, (4)
l'èmbra la s'è scurtida d'una spana.

I bott (5) di èlber i sèmbren indecis
per paura ch'vèna un'ultma brina.
Ma ormai inn'han piò voja d'aspetèr,
l'è tott l'invèren chi-en in naftalina.

La porta l'é già avèrta e fra poch dèe
d'la premavèira a inézia al gran concert.
L'è cosa éd tott i àn, mo per mée caunt
(6)
l'é un miracol d'armàgner a becavèrt. (7)

(1) argini   (2) ramarro   (3) tiepida   (4) rinvigorito   (5) germogli    (6) secondo me  (7) boccaperta

Poesia di Enzo Messori in dialetto Sassolese, anni 60, tratta dal libro ZERCHEE 'D CAPIREM
Grafiche Zanichelli Sassuolo 1984 – ris.1999